Nils Jansen og Ananda-Gopi Storegjerde var gjesteartistar då Jazzverke inviterte til kammerjazz på fredag.

Kammerjazz i kjellaren

Tradisjonen tru inviterte Jazzverket til konsert i Nerhuskjellaren same helga som Rosendal Kammermusikkfestival.

Kammerjazzen var i år med Nils Jansen som gjesteartist i lag med Jazzverket. Jansen stilte i Nerhuskjellaren med eit lite dusin ulike treblåseinstrument, og skifta instrument å spela på hyppigare enn tenåringar sjekkar sosiale media.

Artikkelen held fram under annonsen.

Ivar Baste tok seg av tangentspelinga, enten det var på flygel eller trekkspel, medan bassist Stein Haugen og trommis Torkjell Nerhus var rytmeseksjon. I løpet av dei tre setta dei spelte var Ananda-Gopi Storegjerde innom og song tre songar i kvart av setta.

Publikum stuva seg inn i kjellaren for å få jazzen med seg, og den smittande entusiasmen til musikarane sytte for at tilhøyrarane let seg riva med allereie frå start.