– Justad sparar ikkje på noko
Om ein månad spelar Sondre Justad for ein utselt Sentrum Scene i hovudstaden, laurdag kveld står han på scena i Festsalen på Husnes.
Sidan 22. september har Sondre Justad turnert land og strand rundt med sitt nye album «Ingenting i Paradis». Og etter ein månad med utselte konsertar ventar Kulturhuset Husnes laurdag kveld. Ein kveld arrangørane i 5460 Live verkeleg ser fram til.
Artikkelen held fram under annonsen.
– Vi gler oss stort til å igjen fylla opp Festsalen. Billettsalet går verkeleg unna, men det er framleis plass til nokre til ettersom vi utnyttar lokala til fulle, seier Ronny Hamre i 5460 Live.
Han kan lova publikum ei oppleving som byr på meir enn berre det musikalske.
– Dette blir ei fantastisk musikalsk oppleving, men også scenisk. Justad sparar ikkje på noko på denne turneen, seier Hamre.