Jordnær verdsstjerne

Nærare 250 personar var på plass i Guddalstunet då utstillinga til Magne Furuholmen opna laurdag ettermiddag. Hovudpersonen sjølv viste seg å vera ein svært triveleg og jordnær kar.

Morten Nygård

Morten Nygård

morten@grenda.no

Publisert: 1. juli 2017, 14:54

Gøril Guddal og hennar medsamansvorne hadde rigga til bord og stolar utandørs i det vakre sommarvêret. Kunstnaren sjølv sette nok pris på det, for han ynska å trekkja fram kontrasten mellom kunstverka og omgjevnadane.

– Min jobb er å laga kontrastar mellom dei storslåtte naturomgjevnadane og kunsten, både for å visa dette til publikum, men òg for å læra av det sjølv, sa han til Grenda.

Furuholmen er verdskjent fyrst og fremst som musikar og komponist i A-ha, men han set kunsten minst like høgt.

– Er det slik at du kallar deg meir kunstnar enn musikar?

– Tidsmessig er det i alle fall slik, for eg brukar klart mest tid på kunsten min, medan det er alt det andre eg prøver å få tid til innimellom, fortalde han.

Vi må også trekkja fram den unge trioen Folkelokk frå Ullensvang, som imponerte med to usedvanlege vakre musikkstykke.

 

Les meir i Grenda si neste papiravis, som kjem ut torsdag 6. juli.