Johnny storspelte mot RBK
Johnny Furdal varta opp med både mål og målgjevande då Viking tok i mot Rosenborg søndag.
Kampen var nett blitt 14 minutt gamal då midtbaneeleganten frå Omvikdalen sendte 13.000 siddisar på SR-Bank Arena til himmels søndag kveld. Det gjorde han med eit knallskot frå vel 20 meter.
Artikkelen held fram under annonsen.
Gjestane frå Trondheim utlikna ved Akintola 22 minutt seinare, før Viking varta opp med kveldens angrep i Stavanger.
På elegant vis spelte Furdal fri Källmann i bakrom, som iskald sendte ballen forbi André Hansen i RBK-buret. Strålande målgjevande frå Johnny og strålande angrep av Viking.
Rosenborg slo tilbake ved Alexander Søderlund like etter sidebyte, som då også fastsette sluttresultatet til 2-2.