Johnny spelte heile kampen då Viking fekk juling av Molde

Marius Tveit Nissestad

Marius Tveit Nissestad

marius@grenda.no

Publisert: 16. juli 2020, 08:50

Det vart stygge siffer då Johnny Furdal og Viking reiste til Molde for å måla krefter med fjorårets seriemeister onsdag.

Johnny Furdal var tilbake i startoppstillinga då Viking møtte Molde på Aker Stadion onsdag kveld. Ein kamp som raskt bør gå i gløymeboka for dei tilreisande gjestane.

Det tok berre to minutt før Leke James sende vertane i føringa frå ellevemetersmerket, åtte minutter seinare dobla Etzaz Hussain leiinga.

Etter sidebyte vart vondt til verre for Viking, som måtte sjå at Molde scora tre til før dommar Tom Harald Hagen blåste av oppgjeret.

Etter 5-0-tapet i Molde, ramla Viking ned på kvalifiseringsplassen i Eliteserien. Dei står no med fem fattige poeng etter åtte serierundar.