Johnny skal til Ullevaal
Johnny Furdal og Viking er klare for årets cupfinale i fotball.
Ein fullsett SR-Bank Arena i Stavanger fekk sjå eit heiltent Viking valsa over Ranheim i cupens semifinale onsdag i førre veke. Allereie etter åtte minutt sette Thorstvedt inn 1-0. Etter det skulle det berre handla om siddisane. Ibrahimaj dobla leiinga sju minutt før sidebyte, før Ranheim sin Heggem sette ballen i eige nett sju minutt etter sidebyte.
Artikkelen held fram under annonsen.
Med det er Johnny Furdal, som vart sittande på benk heile kampen, klar for Ullevaal-stadion og årets cupfinale den andre søndagen i advent. Det føyer han inn i eit celebert selskap med Kjetil Berge, Ørjan Røyrane, Bente Musland og Håvard Lunde, som dei einaste kvinnheringane som har kome til cupfinalen i fotball.
Ekstra spesiell blir årets cupfinale ettersom Haugesund slo ut Odd i den andre semifinalen. Med det er det klart for eit skikkeleg Rogalands-derby på Ullevaal søndag 8. desember.