Johnny gjorde comeback

Marius Tveit Nissestad

Marius Tveit Nissestad

marius@grenda.no

Publisert: 6. juni 2019, 09:33

Etter 118 dagar med skade var Johnny Furdal endeleg tilbake på banen då Viking møtte Start onsdag kveld.

Landskampar og U20-VM har gitt eliteserielaga ein liten ferie i byrjinga av juni. Ein ferie Viking onsdag nytta til å måla krefter med Start.

Start byrja best og vann fortent 2-1 på Kverneland, men kva betydde det når Viking-supporterane endeleg fekk sjå Johnny Furdal spela fotball igjen?

Etter skaden i februar har Johnny hatt 118 dagar på sidelinja og eit utal timar på mølla, men i onsdagens treningskamp fekk han 20 minutt med fotball i beina igjen.

– Dette var litt annleis enn å springa på mølla. Eg fekk raskt til eit par gode driblingar der, og godfølelsen kom med ein gong. Det var viktig for sjølvtilliten vidare, seier Furdal til Aftenbladet like etter kampen.

Ein kamp der Furdal fekk tildelt kapteinsbindet i det han entra banen.

– No er det mange før meg i den køen, men det er alltid stas å bera kapteinsbindet. Det er noko alle gjer med stoltheit, seier Furdal til avisa.