Festidalen-programmet i boks:

Janove kjem til Uskedalen  

Marius Tveit Nissestad

Marius Tveit Nissestad

marius@grenda.no

Publisert: 15. april 2019, 18:00

Den tidlegare frontfiguren i Kaizer Orchestra og live-ekspertane frå Real Ones er klare for Festidalen.

Janove gjekk laus på solo-karrieren etter at Kaizers-eventyret tok slutt. Han har hausta lovord frå alle kantar, og legg i haust ut på ny turné. Og den siste helga i juni kjem han til Uskedalen.

– Han er ei levande legende. Få har påverka både popen og rocken i landet som han, og sett ein heilt imponerande standard for liveshow. No kjem han i ny drakt. Nesten i adamsdrakta, for no kjem ein heilt inn på han. Dette vert tett og sterkt, seier Daidalos i pressemeldinga.

I Real Ones har Festidalen fått eit band vidkjent for sine live-opptredenar.

– Dei er storprodusentar av smil og feelgood. Du får hubbabubba av meg om du finner ein på jordet som ikkje smiler under «Every Dog Has Its Day», lovar Daidalos.

Med det er Festidalen-programmet spikra. Eit program bookingansvarleg Daidalos verkeleg kan stå inne for.

– Festidalen skal vera eit retteleg kulturbeite. Det å servera eit fat proppa med musikalsk kraftfôr har vore mantraet vårt i alle år. Og på dette beide skal me eta oss gladfeite på sosialt samvær og høyra oss oppstemte på musikk, skriv Daidalos.