Inviterer til gruvetur i Ølve

Mange av dei kring 600 som såg utstillinga om baksteheller og gruvedrift i Ølve i sommar, har etterlyst ny gaida tur til industrispora.

– Kulturnemnda er lett å be, og denne gongen slår me to fluger i ein smekk: Det blir tur både til Dalen og til Attramadal søndag 6. oktober. Njål Vidar Traavik og Eva Røyrane viser veg, først til Jarnsmoget og Dyråsen, så til mange av gruvene i Attramadal, melder Ølve Bygdelag.