Inviterer til eldrefest

Veronica Thorsen frå Kvinnherad frivilligsentral og Ágúst Magnússon frå Kvinnherad kultursenter gjentek suksessen frå i fjor og inviterer til eldrefest i Kulturhuset Husnes onsdag 29. september.

Marius Tveit Nissestad

Marius Tveit Nissestad

marius@grenda.no

13 september, 2017

Det gjer dei etter stor etterspurnad frå fjorårets deltakarar.

– Vi ser kor viktig det er med ein slik kveld. Det er ikkje så mange arenaer der vi får samla så mange til ein festkveld. Så set dei sjølvsagt stor pris på det å koma til duk og dekka bord, seier  Veronika Thorsen.

Og dei som tek turen på årets eldrefest kan venta seg ein rikhaldig meny, både kulinarisk og kulturelt.

– Det blir ein to-retters middag med svinesteik som hovudrett. Og det er alltid ein innertiar, seier Ágúst.

– I tillegg blir det underhaldning frå Kulturskulen, Aslaug Elisabeth Torge Sjo vil snakka, det blir helsing frå ordføraren og Sigve Solheim stiller som konferansier. Så alt ligg an for ein kjempekjekk kveld, seier Thorsen.

Det blir ei førehandsfeiring av den internasjonale eldredagen, som er 1. oktober.

– Det er ein dag der dei vaksne står i fokus. Ein dag der vi vil visa at vi set pris på dei, og markerer det med ein fest. Så håper vi at så mange som mogleg vel å ta turen, slik at det er noko vi også kan få til i åra som kjem, seier Thorsen.