Inviterer til digital konsert

Marius Tveit Nissestad

Marius Tveit Nissestad

marius@grenda.no

Publisert: 8. mai 2020, 15:00

Førstkomande laurdag kan du få tonane frå Ingebjørg Eik Band heim i stova.

Laurdag 9. mai inviterer arrangørane Ole Bull Scene og Swing’n’Sweet jazzclub til ein digital konsert med Ingebjørg Eik Band. Konserten blir direktesendt på Facebook og kan by på kjende melodiar pakka inn i bandets eigne jazz-arrangement.

– Det blir alt frå Dolly Parton, Simon and Garfunkel, til Amy Winehouse og Pink Floyd, står det å lesa i ei melding på Facebook.

Ingebjørg Eik Band består av Ingebjørg Eik på vokal, Bjarne Øymyr på piano, Alex Grieg på kontrabass og Jakob Monsen Hjelmeland på trommer.