Oppdatert: Smitte knytt til KVV likevel

Marius Tveit Nissestad

Marius Tveit Nissestad

marius@grenda.no

Sist oppdatert: 19. november 2020, 21:47

Kommuneoverlegen melder torsdag kveld at det ikkje er påvist ny smitte i samband med utbrotet på KVV. Likevel er det påvist eit nytt tilfelle i Kvinnherad.

– Ingen nye smitta i samband med utbrotet på KVV. Det er meldt om eit nytt tilfelle, dette er importsmitte der vedkomande har opphalde seg i karantene. Det er få nærkontaktar, skriv Kvinnherad kommune.

Onsdag kveld kunne kommunen melda om eit tilfelle etter at svara på dei første 70 nærkontaktane knytt til utbrotet på KVV var klare. Torsdag kom svara på dei siste 80 nærkontaktane knytt til det same utbrotet, og resultatet var at ingen var smitta. Det skriv rektor Audun Bjelland i ei melding på skulen sin kommuneikasjonsportal. Ei gladmelding, skriv skulen sjølv på Facebook.

– Det er ikkje registrert nye smittetilfelle blant elevar eller tilsette ved KVV etter testrunden onsdag 18. november. Det er i denne testrunden registrert eitt tilfelle, dette har ikkje relasjon til skulen, skriv Kvinnherad vidaregåande på Facebook.

Seint torsdag kveld kom kommunen med ei ny melding. Det var påvist smitte som sendte ein klasse ved skulen ut i karantene.