Ingebjørg Bratland til Kulturhuset

Morten Nygård

Morten Nygård

morten@grenda.no

Sist oppdatert: 2. februar 2020, 07:00

Onsdag 5. februar vert Ingebjørg Bratland å høyra i Kulturhuset Husnes.

Albumaktuelle Ingebjørg Bratland har nett starta ein omfattande turné. I neste veke kjem ho innom Husnes. «Papirfly» er hennar sjette plate.

«Det hadde aldri skjedd utan alle dykk som høyrer på og heiar på meg. Tusen takk for alle dei flott meldingane eg har fått på «Papirfly». Har lest alle og blir inderleg glad. Det er fortsett veldig skummelt å dele ny musikk. Eg er min eigen største kritikar, og eg får alltid lyst til å kaste alt i søpla like før. Men så, pga dykk så går det veldig fint likevel», meldte ho for nokre dagar sidan på heimesida si.

I følgje ei pressemelding er det nye materialet skrive av ho sjølv og produsert av Espen Lind og Geir Hvidsten. Stilmessigt skal plata liggja i området country, folk, pop.