I rute med Jul i Rosendal

Ingebjørg Eik

Ingebjørg Eik

ingebjorg@grenda.no

Publisert: 27. november 2019, 12:51

Laurdag opnar den ellevte marknaden til Jul i Rosendal. Det vert heile 36 bodar, samt underhalding og aktivitetar.

Tradisjonen tru opnar Hjartekunstutstillinga litt før, så allereie i morgon kan ein nyta synet av nydelege hjarter laga av barnehage- og skuleborn.

– Klokka tolv blir det både snorklypping og song ved Omvikdalen barnehage sine mest skuleklare unge, fortel Kristin Lamberg for Jul i Rosendal.

 

Variert program

På marknaden kan ein snopa seg eit hav av ulikt handverk og forskjellig mat og drikke.

– Vi har utruleg fin breidde på utstillarar. Mange ulike teknikkar er representert, seier Lamberg.

I tillegg til marknad kan ein mellom anna få med seg både eventyr og juleverkstad for dei minste, trekking av lotteri, aktivitetar på Folgefonnsenteret, samt fleire konsertar.

Marknaden finn stad på nedste nivå i parkeringshuset til Varehuset Rosendal.

– Velkomne til julestemning i Rosendal, sluttar Kristin.