Hundeutstilling i Uskedalen

Laurdag arrangerer Hordaland Elghundklubb hundeutstilling i Uskedalen. Det er påmeldt 50 hundar, derav éin jemthund, fem Norsk Elghund Grå og resten Norsk elghund Svart.

– Dette er den utstillinga i landet med flest deltakande Norsk Elghund Svart. Utstillinga i Uskedalen er blitt ein populær samlingsplass for hundeeigarar og jegerar frå heile vestlandet. Hundane blir bedømt ut frå rasestandarden, og på slutten av dagen vil dommar Terje Lindstrøm stå igjen med den beste/finaste hunden på utstillinga, opplyser Anita Lie i ei pressemelding.

– Utstillingsnemnda jobbar med å få sponsorar, og er veldig takknemlege for dei lokale aktørane som støttar oss. Elghundklubben vil spesielt takka Felleskjøpet som stiller som hovudsponsor, legg ho til, og ynskjer alle velkomne innom for å kikka på dei flotte hundane.