Humorshow på kinolerretet

Håvard Sætrevik

Håvard Sætrevik

haavard@grenda.no

Publisert: 3. februar 2021, 15:00

Fredag syner Husnes Kino Christoffer Schjelderup sitt humorshow «Tro, Hat & Ærlighet».

Showet hadde premiere i november i fjor, og blir synt på lerretet i kinosalen. Schjelderup har hausta gode kritikkar for showet, og han leverer i ærlege meiningar og skarpe observasjonar i sterk stand up-tradisjon.

– Schjelderup glir umerkeleg over både personlege og politiske problemstillingar, klasse og kultur, kvardagslege og eksistensielle spørsmål og varierer å sentrera vitsane rundt skrittet og hjernen, meinte Bergens Tidende etter premieren.

Fredag kan du altså gjera opp di eiga meining om Schjelderup i kinosalen.