Henrik og Lars Kristian på landslaget

Marius Tveit Nissestad

Marius Tveit Nissestad

marius@grenda.no

11 september, 2018

Strand-Ulv-spelarane Henrik Tholo Aasen (16) og Lars Kristian Ekeland (14) skal representera Norge sitt U17-langdslag i den årlege Nevza-turneringa i Danmark.

Etter ei større landslagssamling er duoen no å sjå i tolvmannstroppen som skal spela for Norge si æra i Nevza-turneringa som går av stabelen i Ikast 15.-18. oktober. Her skal dei kjempa mot Danmark, England, Finland, Grønland, Island, Sverige og Færøyane.

Før det skal Henrik og Lars Kristian førebu seg saman med resten av landslaget på ei treningsleir i Bergen 27.-30. september.

– Det er veldig gøy, og eg gler meg. Landslaget er kult, og det er det eg har jobba for, seier Lars Kristian.