Gina Berge-Soldal hadde pop up-butikk hos Elins Matgleder laurdag. Der selde ho heimesydde barneklede i spreke og fine stoff.

Heimesydd frå Holmen

Gina Berge-Soldal er ein ivrig syar, og har sitt eige klemerke «Laga på Holmen». Laurdag hadde ho pop up-butikk hos Elins Matgleder.

 

Der selde ho stilige, fargerike plagg heile dagen. Folk kunne kjøpa alt frå smekker og vesker til behagelege kjolar, skjørt og bukser til dei minste.

Artikkelen held fram under annonsen.

– Eg kjøper stoff eg likar sjølv. Det er alltid spanande om nokon andre likar det også, sa Gina.

Ho hadde stilt ut dei heimesydde kleda i festlokalet til Elin Enes, og der kunne folk få seg ein porsjon graut medan dei kikka på plagga. Nede førsteetasjen hos Elins Matgleder var det travelt heile helga, med alt frå julebutikkopning, konsert og pizzakveld fredagskvelden, til grautservering laurdagen og julemiddag på søndagen.

– Det har vore kjekt, men veldig travelt, sa Elin i eit lite, ledig sekund.