Haustfest med revy og dans

Årets haustfest i samfunnshuset i Mauranger byr på revyen «Ikkje heilt sentrisk», matservering og dans med bandet Lazy.

– Her vil du få eit gjensyn med kjente figurar som tidlegare har vore med på revyen. Blant anna kjem dei gamle damene tilbake, men denne gong har dei fått med seg ei tredje. Karius og Baktus kjem tilbake og er på nye oppdrag og så vil vi sjå litt på turismen i Mauranger, seier Hanne Bakke Berntsen.

Dei ni sceneklare revyartistane har øvd og øvd dei siste seks månadane for å få replikkane til å sitta. Og har enno litt tid til å setja den siste finishen på verket før haustfesten 27. oktober.

– Vi treng litt meir øving, og så må vi sjå på kva sketsjar som skal koma til kva tid og kva vi skal gjera med avslutninga, seier Hanne.

Men ein ting er ho sikker på, og det er at revyen bli bra.

– Den blir knall. Vi har mykje lott og løye saman på øvingane, og det kjem til å bli morosamt. Så det er berre å kasta seg rundt å kjøpa billettar når dei vert lagt ut for sal, seier ho.

Etter revyen byr haustfesten opp til dans med bandet Lazy utover kvelden.