Haugland til FK Fyllingsdalen
Ei av Rosendal/Trio sine målgarantistar, Ingebjørg Haugland, har meldt overgang til FK Fyllingsdalen.
– Det vert spanande å prøva noko nytt når eg bur litt langt vekke frå heimbygda, seier Ingebjørg.
Ingebjørg har budd i Bergen dei siste åra, og vert frå og med denne sesongen ein del av ei større treningsgruppe på 30 jenter.
Artikkelen held fram under annonsen.
– Vi trener alle i lag, og så vert det plukka ut kamptroppar til laga i 2.- og 3. divisjon utifrå den gruppa. Men i kamp så er eg tiltenkt ein plass i 3. divisjonstroppen, seier Ingebjørg.
Det betyr at ho blant anna skal opp mot Stord og Solid/Trott denne sesongen.