Har laga skiløype inn til Blådalen
Dei som likar å gå på ski, har no fått eit svært spennande alternativ. Det er nemleg laga løype heilt inn til Blådalsvatnet.
Sjølv om det ikkje er kolossale mengder med snø i fjellet, er det fine tilhøve for skigåing mange stader i Kvinnherad. Blant dei preparerte løypene finn ein tradisjonen tru traseen Fjellhaugen-Nautavatnet-Nesjastølsvatnet-Fjellhaugen. For dei som tek turen innover i området, finst det no eit kjekt alternativ til.
Artikkelen held fram under annonsen.
– SKL har køyrt maskiner innover i Blådalen. Det er greitt å ta skiturar innover. Matre IL har lagt ut ei bok i ei postkasse ved Blådalsvatnet. Skriv du deg inn der, kan du vinna ein premie til våren, opplyser Bjørn Rune Bergane i Matre IL.
– God tur, legg han til.