Har ikkje konkludert rundt Husnes cup

I år skulle Trio arrangert Husnes Cup for 20. gong, men med koronapandemien står arrangementet i fare for å bli avlyst.

I så fall betyr det at Trio tapar store inntekter.

– Cupen vår er ei viktig inntektskjelde både for idrettslaget og for oss i fotballgruppa. Så det er klart at vi ynskjer å arrangera cupen. Men kva som skjer er ikkje så godt å seia akkurat no, seier leiar Fred Nilsen i Trio fotball.

Fotballgruppa skal ha eit styremøte over nett torsdag kveld, der kjem Hydro Husnes cup opp som eit naturleg tema.

– Vi har ikkje konkludert med noko endå. Vi er opne for å arrangera cupen om det er lov og forsvarleg å gjera det. Så får vi sjå om vi konkluderer med noko på neste styremøte, seier Fred.