Har du bilete til kalenderen?

Utruleg nok syng 2020 snart på siste verset, og 2021 bankar hardare og hardare på døra. Det betyr at ein ny Grenda-kalender må lagast.

Kalenderen frå favorittavisa dykkar heng på kontor, kjøken, industrihallar, lager, matrom, møterom og sikkert mange toalett over heile Kvinnherad kommune. Endåtil vert også ein god del eksporterte til utanfor kommunen sine grenser.

Artikkelen held fram under annonsen.

Grenda overtok produksjonen av kalenderen i 2014, då med våre eigne bilete som krydder på verket. Men allereie året etter vart lesarane inviterte til å senda inn sine bilete, og det var så vellukka og kjekt at det heilt sjølvsagt har vore malen seinare også.

Så no bed vi lesarane senda inn bilete til 2021-kalenderen. Hugs at motivet må vera frå Kvinnherad, men elles står de heilt fritt. Bileta kan vera med eller utan personar, og syna fram alt frå natur og leik, til arbeid og idrett.

Fristen er 28. oktober. Send bileta til foto@grenda.no.

[gravityform id="12" title="true" description="true"]