Han er med i juniorlandslagstroppen

Marius Tveit Nissestad

Marius Tveit Nissestad

marius@grenda.no

Publisert: 13. mars 2019, 09:30

Henrik Tholo Aasen frå Strand-Ulv er med i juniorlandslagstroppen som reiser på bruttosamling til hovudstaden 13. april.

Det skriv Norges volleyballforbund på sine heimesider.

Tysdagens uttak er det fyrste av to uttak, og baserer seg på vurderingar forbundet har teke så langt i sesongen. Det andre uttaket vert gjennomført etter at U17 NM er ferdigspelt 24. mars.

– Samlinga er starten på oppkøyringa mot EM for ungdom og junior i 2020. NM i dei aldersbestemte klassane vert arrangert rett i forkant av samlinga, difor vil det til denne samlinga bli gjort to uttak som følgje av at ein ynskjer å bruka meisterskapa til å gjera ei siste evaluering, skriv forbundet på sine heimesider.

Henrik Tholo Aasen er ein av i alt 19 gutar fødd i 2001/02 som til no er invitert til landslagssamlinga som finn stad på Rønningen Folkehøgskule 13. til 17. april.