Halsnøy sikra sigeren i siste sekund
Kjell Arne Berntsen sette inn den avgjerande scoringa på overtid då Halsnøy slo Strand-Ulv 3-2 på «Nya myro» laurdag kveld.
Strand-Ulv avslutta si treningshelg på Husnes med å måla krefter mot Tor Gundersen sitt Halsnøy laurdag kveld. Ein kamp som var raudtrøyene sin fyrste av året, og som viste seg å bli ein kamp av to omgangar.
Artikkelen held fram under annonsen.
For etter at Mathias Johansen hadde skutt «ulvane» i føringa med eit draumemål av eit skot og Håvard Økland hadde dobla leiinga fem minutt seinare, låg alt til rette for at 7. divisjon skulle slå 6. divisjon på «Nya myro».
Men etter sidebyte og 20 minutt med stillingskrig, skrudde blåtrøyene opp tempo. Eit tempo som eit slite Strand-Ulv-mannskap sleit med å henga med på. Kjell Arne Berntsen reduserte i det 70. minutt, Marcus Størksen utlikna ti minutt før slutt og Kjell Arne scora sitt andre då han sikra Halsnøy-siger på overtid.