Halsnøy med storsiger på eige gras

Marius Tveit Nissestad

Marius Tveit Nissestad

marius@grenda.no

27 august, 2018

Halsnøy/Trio 2 banka Bønes 4-0 på «Nya Myro» laurdag.

– Det var godt, nok ein trepoengar og i tillegg ein kamp der me nesten ikkje slepp til nokon sjansar. No er me på rett veg, seier Erling Hansen.

Stinne av sjølvtillit etter førre helgs bortesiger mot Inter Bergen, gjekk blåtrøyene til Erling Hansen rett i strupen på gjestane frå Bønes laurdag ettermiddag. Men sjølv om heimelaget styrte alt av spel og pressa Bønes inn i eigen sekstenmeter, måtte publikum på «Nya Myro» venta heilt til slutten av første omgang før opningsmålet kom, då signert trenaren sjølv som var iskald frå ellevemetersmerket.

Eit leiarmål som tvinga Bønes høgare i banen etter sidebyte.

– Som igjen opna større rom for oss offensivt, seier Erling.

Rom heimelaget verkeleg utnytta. Håvard Vågen dobla til 2-0 like etter at timen var passert, Ruben Særsten sette inn 3-0 fire minutt seinare, før Vågen igjen var frampå og sette punktum på ein fin Halsnøy-kamp i det 90. minutt.

– Eg er veldig nøgd med det vi leverer. Vi vinn fortent 4-0 der heile laget spelar ein god kamp. Det er ein god start på hausten, så får me håpa at me kan ta den gode følelsen med oss vidare, seier Erling som samtidig peikar på at han trur at grasmatta på heimebane skal bana veg for ny kontrakt i 5. divisjon.

 

Halsnøy/Trio 2 4-0 Bønes (1-0)

Magnus Eide

Ruben F. Særsten – G

Dan Greger Våge

Svein Bjørke

Martin Lygre – GG

Erling Hansen – GGG

Jan Karsten Sjo

Svein Helge Hølland

Ruben Saug

Christian F. Særsten

Ingvald A. Johnsen

Innbytarar: Håvard Vågen, Marius Quam og Marcus Såtendal

 

45 min: 1-0 Erling Hansen

63 min: 2-0 Håvard Vågen

67 min: 3-0 Ruben F. Særsten

90 min: 4-0 Håvard Vågen