Halldor og Astrid opnar hagen

Grenda og Kvinnherad Hagelag kåra hagen til Halldor og Astrid Helland på Valen som Kvinnherads vakraste i fjor. Laurdag ettermiddag kan alle som vil få sjå den spanande naturhagen.

Mari Mehl

Mari Mehl

mari@grenda.no

19 april, 2017

Då opnar Halldor og Astrid nemleg hagen for både medlemmer av hagelaget og andre interesserte.

– No er det like før rododendronen blømer, og er vi heldige er dei første blomane komne til laurdag. Men det spørst på vêret, det har jo vore ein spesielt kald påske dette året, seier leiar i Kvinnherad hagelag Irene Nielsen-Sjo.

Ho gler seg til arrangementet, og lovar kaffi og kake til dei som kjem. Folk kan få vandra rundt i den store hagen saman med eigarane – som gjerne deler tips og råd.

– Dette er ein mangfaldig hage med litt for alle. Vi får helsa på to fantastiske menneske som står på utan at alder og helsetilstand hindrar dei. Halldor og Astrid har ein mogen hage som dei har jobba med i mange år. I tillegg skjer det stadig nye ting der, fortel hageentusiasten.

Vannliljene i dammen til Halldor og Astrid.