Hærverk på Storsenteret

Senterleiar Geir Jakobsen tyr til Facebook for å få slutt på den hærverk-trend som har råka Husnes Storsenter den siste tida.

– Foreldre til ungdomar; vi ser at det er ein ny trend på senteret der ungdomar set vatnet på fullt inne på toaletta. Og seinast i helga hadde vi to tilfelle, der den eine førte til flaum i kjellaretasjen og fleire titalstusen kroner i skadar, skriv senterleiar på Facebook.

Det andre tilfellet i andre etasje vart stoppa av ein tilfeldig forbipasserande.

– Eg ber dykk om å ta ein prat med ungdomane dykkar, spesielt no i byrjinga av eit skuleår der fleire tydelegvis skal «hevda seg, skriv Jakobsen.