Haavard Skaatun til Snikkeriet
Laurdag kveld står gitarist og artist Haavard Skaatun på Snikkeriet-scena.
Å spela inn EP-en «Living Out Loud» i Nashville, Tennessee i 2014, gav meirsmak for den 23-år gamle musikaren frå Fusa. Difor reiste han like greitt tilbake påfølgjande år for å spela inn debutalbumet «Flying in the Free».
Artikkelen held fram under annonsen.
– Musikken hans kan karakteriserast som både country, country-rock og sørstatrock. Musikkstilen er inspirert av tradisjonell country som Blackberry Smoke stod for, og meir moderne country-artistar som Eric Church, Brad Paisley og Keith Urban, står det å lesa i ei pressemelding.
Laurdag kveld står han saman med William Rolland på bass og Daniel Tveit på trommer på scena i Snikkeriet for å gje publikum sine rocka country tonar.