Haakon debuterte med bronse i Arna

Haakon Skjelnes frå Rosendal deltok i sitt fyrste 1500-metersløp på bane onsdag i førre veke. Han klokka inn til tida 4,38,2 og ein tredjeplass i sin klasse.

Ungguten frå Rosendal Turnlag stilte til start med seniorane då Askokarusselen gjekk av stabelen i Arna onsdag 8. juli, og vart nok litt overraska av opningsfarten i feltet. Likevel greidde ungguten å springa sitt eige løp, kjem det fram i ei pressemelding.