Gull i Strandebarm og personleg rekord på Husnes

Haakon Skjelnes var raskast i det 5,7 kilometer lange Strandadalsløpet i Strandebarm laurdag. Tre dagar før sette han ny personleg rekord på 1500 meter.

Sjølv om den 15 år gamle løparen frå har levert mange gode løp gjennom sommaren, hadde han ikkje fått den skikkelege godfølelsen i mål før onsdag.

– Han har følt at han har hatt raskare tider i seg, og at han kanskje har vore litt forsiktig i starten. Difor vart han oppmoda til å gje full gass frå start av på 1500-meteren i Trio sitt seriestemne onsdag, skriv trenar Jostein Hatteberg i ei pressemelding.

Og det betalte seg. Haakon tok utfordringa på strak arm og sprang i mål på 4,29,5 og ny personleg bestenotering på distansen. 5,38 sekund betre enn tida han sette i Gneistspelen.

I tillegg til det vann Haakon det tradisjonsrike Strandadalsløpet i Strandebarm laurdag.