Gjekk inn til bronse i Folldal
Martin Femsteinevik held stand på toppen av samanlagtlistene i norgescupen etter helgas sprint-bronse i Folldal.
Med tre bom på fredagens fellesstart, rann medaljesjansane ut i sanden for 25-åringen frå Hatlestrand. Men trass ein treig start med ein 9. plass fredag, slo Martin hardt tilbake på laurdagens sprint.
Artikkelen held fram under annonsen.
For sjølv om det blei ein bom på ståande skyting, hadde norgescupleiaren såpass godt forsprang på mannen bak at bronsen aldri var truga. Han sklei over mållinja 34,6 sekund bak suverene Tore Leren og hadde vidare nesten eit halvt minutt ned til fjerde mann.