Gigantgåve til Baroniet

Trond Mohn og Bara Eiendom AS v/ Knut L. Galtung Døsvig har gitt Baroniet Rosendal 4 mill. kroner kvar fordelt over 5 år. Med 2 mill. i gåveforsterkingsmidlar frå staten, vil museet motta totalt 10 millionar kroner tilrestaurering - og museumsutviklingsprosjekt.

Gava er øyremerka prosjekt i Rosendal Have, herunder restaurering av Havehuset, Båt -og Vognhuset, Den Gamle Smie, steingardar, samt innreiing av velferdsavdeling og verkstad for hage - og jordbrukstilsett.

- Baroniet Rosendal jublar i stor takksemd over den kjærkomne og fantastiske gåva, som gjer det mogleg å bevara og vidareutvikla det unike nasjonale kulturminnet mellom fjord, fonn, fjell og fossefall. Det er nettopp slike generøse gåver frå private støttespelarar som har vore sjølve grunnlaget for den positive utviklinga ved Baroniet Rosendal gjennom dei siste 20 år, opplyser Baroniet i ei pressemelding.

Bara Eiendom AS v/Knut L. Galtung Døsvig har i ei årrekkje støtta Baroniet Rosendal med store gåver til ei rekke bevarings- og utviklingsprosjekt. I perioden 1998-2016 vart den omfattande rekonstruksjonen av Kjøkken - og Urtehagen med Drivhus, Hagecafé og toalettanlegg, samt oppstart restaurering av Båt og-vognhuset og ny billett-bod i sin heilskap finansiert av Bara Eiendom AS.

Trond Mohn finansierte i 2011 eit lenge etterlengta parkeringsanlegg ved inngangen til Baroniet Rosendal. I anledning 350-årsjubileet for Slottet frå 1665 finansierte Trond Mohn og Bara Eiendom AS i fellesskap også restaureringa av dei unike barokkportalene og borggårdsmurane.