Galleriopning i Guddal

Marius Tveit Nissestad

Marius Tveit Nissestad

marius@grenda.no

Publisert: 12. april 2019, 05:38

Laurdag 13. april er det klart for sesongopning i Galleri G Guddal.

Bergenskunstnaren Lasse Berntzen har fått æra av å opna årets gallerisesong i Guddal. Det gjer han med si separatutstilling «Prospekt», ei utstilling som er kunstnaren si fyrste separatutstilling på mange år og som viser fram akvarellar som Berntsen har malt i løpet av fjoråret.

I stallen like ved, eit lite steinhus i tunet, opnar Leif Hedman ei utstilling med skulpturar i metall. Her vil det gjennom heile sesongen bli fylt på med nye skulpturar etter kvart som salet til Hedman går sin gong.

Sørlendingen, som er busett på Fitjar, vil ein gong i løpet av sesongen også laga skulpturar i eldhuset på Guddalstunet.

Under opninga vert det musikk av kunstnaren Lasse Berntzen og Jazzverket.