Fyr og flamme i klosteret

Marius Tveit Nissestad

Marius Tveit Nissestad

marius@grenda.no

Publisert: 27. august 2020, 08:31

Onsdag 2. september inviterer Halsnøy Kloster til konsert med Gabriel Fliflet, Richard Burgess og gjest Per Olav Kaldestad.

Det blir både salte songar og kuling i kasta når Gabriel Fliflet kjem tilbake til klosteret 2. september. Med seg har han Richard Burgees og gjest Per Olav Kaldestad, og saman skal dei gje klosterpublikummet ein konsert som har fått namnet «Fyr og flamme».

– Engelske shanties frå seglskutetida, vestlandske havvalsar, livlege låtar frå Shetland og songar av skottanes elska Robert Burnes, berre på norsk. Konserten krinsar kring Nordsjøens kystar og er spesielt laga for å bli framført i havgapet, gjerne på eit fyr, og alltid med flammande kraft i song og spel. Og sjølvsagt drar dei to venene publikum med på ein varmande allsong når tida er inne, står det å lesa i ei pressemelding frå Halsnøy Kloster.

Det er litt av det ein kan venta seg når Gabriel og Richard spelar konsert 2. september.