Fylte Fotografiens Hus

Ingebjørg Eik

Ingebjørg Eik

ingebjorg@grenda.no

Publisert: 10. februar 2020, 18:00

Torsdag hadde Torstein Lund Eik utstillingsopning i hovudstaden, med prosjektet «Regulert».

«Regulert» er ei utforsking av vasskrafta sitt landskap.

«Gjennom prosjektet ønskjer fotograf Torstein Lund Eik å setja fokus på dei endringane som den regulerte vasskrafta skapar i landskapet. Når vi menneske bygger demningar og held igjen kubikk etter kubikk med vatn, endrar landskapet seg. Der vatnet før hadde runne fritt og fossane brusa, er det tørre elveleier og sår i landskapet som står att.»

 

Første soloutstilling

– Det var fullt hus, så det var veldig gøy. Dei frammøtte var godt representert av kvinnheringar. Ei god blanding av mange kjente og ukjente fjes rett og slett, fortel ein nøgd Torstein på telefon til Grenda.

Dette er første soloutstilling for omvikdelingen.

– Det er veldig kjekt med tilbakemeldingar frå folk – kva dei ser og tenkjer, seier Lund Eik.

Somme har kanskje sett eit par av bileta frå «Regulert» hjå Galleri Guddal i sommar.

– Dei fleste bileta er tekne i Kvinnherad, så det er eit lokalt prosjekt. Alle bileta er tatt ved bruk av drone, fortel fotografen.

Utstillinga skal henga på Fotografiens Hus til 1. mars.

Foto: Tonje Bryn