Fureberg bru på anbod
Onsdag la Statens vegvesen ut anbodsdokumenta til konkurransen om ny bru over Furebergfossen på Doffin.
– Entreprisen gjeld prosjektering og bygging av ny plaststøypt bru over Furebergfossen. Brua skal ha ein lengde på cirka 50 meter, inkludert landkar og fundament, og vidare veg i begge endar for tilpassing til dagens trasé på fylkesvegen, står det å lesa i anbodsdokumenta.
Artikkelen held fram under annonsen.
I tillegg skal det opparbeidast ei stopplomma på vestsida av brua og reisast ein mur av naturstein mot sjøen.
Fristen for å delta i konkurransen er sett til 3. oktober. Statens vegvesen inviterer til tilbodskonferanse ved Furebergfossen onsdag 29. august. Det er venta at brua skal vera ferdigstila 31. mai 2020.