Furdal børsvinnar – igjen

Håvard Sætrevik

Håvard Sætrevik

haavard@grenda.no

Publisert: 21. august 2018, 08:16

Stavanger Aftenblad har kåra Johnny Furdal til Vikings beste spelar i tre av dei fire kampane han har spela for blåtrøyene. Sjefen er veldig nøgd.

– Han betyr utruleg mykje for oss. Furdal dikterer spelet og er aldri stressa. Det er han som set rytmen og tempoet i spelet vårt. Furdal vel som regel fornuftige løysningar, seier Viking-trener Bjarne Berntsen til Stavanger Aftenblad.

Avisa meiner Johnny Furdal er ein artig skrue og at han minner litt om legendariske Erik Mykland, både på banen og i oppførsel. Han blir rosa for evna til å gjera medspelarane gode, og han var tredje sist på begge Vikings mål mot Strømmen. Etter sigeren er Viking på opprykksplass, men Mjøndalen kan gå forbi om dei slår Åsane i dag, tysdag.