Fornya ettersøksavtale

Kvinnherad Ettersøkslag skal halda fram å søkja opp trafikkskadd vilt i Kvinnherad.

Kvinnherad Ettersøkslag har i kring 15 år teke på seg alt av ettersøk etter trafikkskadd vilt i Kvinnherad, dette på oppdrag av kommunen. Etter avtalen skal laget ha vakttelefon 24/7, og kunne stilla med godkjent hund og jeger innan fire timar. Avtalen er verdt 100.000 kroner i året, og vert dekka over viltfondet. På torsdag sa formannskapet samrøystes ja til å forlenga avtalen frå 2018 og framover.