Føredrag om overgangsalderen

Ingebjørg Eik

Ingebjørg Eik

ingebjorg@grenda.no

Sist oppdatert: 12. januar 2020, 08:00

Torsdag 23. januar kjem forfattar Birgitte Hoff Lysholm til Kvinnherad Bibliotek med føredraget «Heit – ein guide til overgangsalderen».

Kvifor er det sånn at dei einaste som snakkar om overgangsalderen er kvinner i overgangsalderen? Birgitte Hoff Lysholm hadde vore journalist og skrive om kvinnehelse i over tjue år. Ho trudde ho visste det meste om kvinnekroppen og kunne snakke om alt. Heilt til ho nærma seg førtiåra oppdaga at det var éin ting ho visste lite om: overgangsalderen. Det var starten på eit år med samtalar med fagfolk og vanlege kvinner om kvinners indre liv og underliv. Resultatet er boka «Heit, ein guide til overgangsalderen».

– Veit vi ikkje kva som ventar oss, kan det ha store konsekvensar for måten vi planlegg liva våre på, står det å lesa i pressemeldinga.

Bokbadet passar for kvinner i alle aldrar, og menna som lever med dei. Biblioteksjef Trude Hege Bergesen samtalar med forfattaren, etterfølgt av boksal og signering.