Føredrag med Oddny Miljeteig

Morten Nygård

Morten Nygård

morten@grenda.no

Sist oppdatert: 10. oktober 2020, 16:00

Oddny Irene Miljeteig vitjar Omvikdalen Bygdekvinnelag i Dalheim tysdag 13. oktober.

I føredraget skal ho snakka om livet sitt med utgangspunkt i «Hjartebank», boka om oppveksten hennar som er ført i pennen av Kjersti Mjør.

«Ho treng ikkje nærare presentasjon, vi kjenner henne alle som politikar, motstraumsmenneske, feminist, ei som alltid er på parti med grasrota, umiskjenneleg brukar av dialekten sin, engasjert tillitsvald og mykje, mykje meir. Ho har ein levande og sprudlande replikk, og har evna til å få folk til å lytta når ho snakkar. Ho er ærleg, og seier om seg sjølv at ho «blir verre og verre». Vi får inntrykk av at ho både ser på seg sjølv og situasjonar med glimt i auga, og låtten sit laust der ho er», opplyser arrangøren i ei pressemelding.

Dei som vil, får høve til å kjøpa boka. Det vert elles servering og årsmøte i Omvikdalen Bygdekvinnelag etterpå.

«Dette gler vi oss til», melder Omvikdalen Bygdekvinnelag.

 

Oddny Miljeteig kjem på besøk til Dalheim. (Foto: Sosialistisk Venstreparti)