Føredrag med Erika Fatland
Onsdag 27. mars kan alle som er interesserte i geografi og historie høyra eit svært interessant føredrag på biblioteket på Husnes.
Då kjem nemleg Erika Fatland, som opphavleg er frå Ølen, for å snakka om boksuksessen «Grensen».
Artikkelen held fram under annonsen.
– Erika Fatland har reist rundt den lange grensa til Russland og møtt folk i alle dei 14 landa og skrive bok om opplevingane. No kjem ho til biblioteket for å fortelja om denne eventyrlege reisa, står det på kommunen si nettside.
Reisa hennar gjekk rundt Russland gjennom Nord-Korea, Kina, Mongolia, Kasakhstan, Aserbajdsjan, Georgia, Ukraina, Kviterussland, Litauen, Polen, Latvia, Estland, Finland og Norge samt Nordaustpassasjen.
– Erika Fatland har skrive ei grenseoverskridande og magisk bok, meinte danske Jyllands-Posten.
Fatland (født 1983) fekk sitt store gjennombrot med boka «Sovjetistan» i 2014.