Folketog for Gunvald

I dag 16. mai fylte Gunvald Friheim 80 år. Det var det svært mange som ville feira. Jubilanten sjølv visste ikkje kva som var i vente.

Gunvald Friheim var ein svært aktiv kar allereie som ung heime i Uskedalen. Seinare flytta han til Rosendal, og har vore minst like aktiv der. Difor var det ikkje overraskande at nærare 100 personar stilte opp i toget i kveld, som enda opp utanfor huset hans i Skeishagen. Vel framme var det helsingar frå Rosendal musikklag, Uskedal musikklag, Uskedal ungdomslag og Rosendal samfunnshus. I tillegg var ei rad andre foreiningar representerte.

Vi gratulerer jubilanten så mykje med den store dagen!

Les meir og sjå fleire bilete i neste Grenda, som grunna 17. mai kjem ut på fredag.