Fleire måtte parkera bilen

Statens vegvesen hadde onsdag kontroll både på Husnes og i Dimmelsvik, det resulterte i at fem måtte parkera bilen.

Marius Tveit Nissestad

Marius Tveit Nissestad

marius@grenda.no

9 november, 2017

Fire deltakarar frå Statens vegvesen var onsdag ute i felten for å kontrollera om kvinnheringane hadde alt på stell når det kom til bilbelte, dekk, lys og skiltavlesing for manglande årsavgift og forsikring.

288 køyretøy vart kontrollerte, noko som resulterte i eit bruksforbod for manglande etterkontroll, to for manglande bremselys, eit for å ikkje ha betalt årsavgift og eit for manglande forsikring.

Vidare vart det skriven ut to gebyr for manglande bilbelte, fem dekkgebyr, eit for manglande vognkort og seks tekniske mangellappar.

– Mange køyrer med for dårlege dekk og lys. Vi oppmodar alle om å sjekka lys og dekk før køyring, oppmodar Statens vegvesen på sin Twitter-konto.