Festidalen må avlysa sommarens festival
Alle arrangement som samlar fleire enn 500 menneske kan ikkje arrangerast før etter 1. september.
Kulturminister Abid Raja strødde laurdag salt i såra på det norske folk som hadde eit håp om å kunna gå på fotballkamp, konsert eller festival denne sommaren.
Artikkelen held fram under annonsen.
På sin pressekonferanse forlenga han forbodet mot idrett- og kulturarrangement som samlar over 500 menneske fram til 1. september.
– Det er ikkje med lett hjarta eg må gjera dette. For alle arrangørane vil at sine arrangement skal gå som planlagt, alle artistane vil helst spela og dei som skal spela kamp vil helst vera der og visa seg verdig i kampen. Og ikkje minst vil alle vi som deltek som tilskodarar helst vera der, seier Abid Raja til VG.
Det betyr at det ikkje er mogleg for Festidalen å gjennomføra festivalen 2020. Nøyaktig kva dei bestemmer seg for å gjera er endå ikkje kjent. I ein tekstmelding til Grenda skriv Festidalen at dei jobbar med ei pressemelding.
Det betyr også at arrangement Omstock sin allereie flytta Morten Abel-konsert 22. august ikkje kan arrangerast.