– Ferjene våre, kva vil Kvinnherad Arbeidarparti?

Alle som reiser med ferjene i Kvinnherad har merka at regulariteten har gått tilbake, talet avgangar minkar i forbindelse med elektrifisering, reisekostnaden har auka og innbytte-ferja står til stryk. Siste utspelet vart ferja fjerna heilt frå Varaldsøy-sambandet, for så enda med total utestenging frå samfunnet.

På toppen av det heile får ferjeselskapet mulkt dersom dei lyt venta nokre sekundar på ein bil. Slikt kan me ikkje vera bekjent av å ha det, eller godta i år 2020. (I verste fall kan dette på sikt føra til fråflytting og ikkje tilflytting).

Kvinnherad arbeidarparti skal derfor ta denne saka opp med fylket og inn mot sentrale politikarar på Stortinget. Me oppmodar alle andre parti også å fronta desse utfordringane og hjelpa til å finna levelege løysingar.

Skal distrikta overleve, så kan me ikkje forsetja slik. På sikt bør ferja vera gratis, slik at den vert ein del av fylkesvegen/riksvegen vår. Enkel løysing, ta det over skattesetelen. Alle er avhengige av alle.

Dette må vera eit felles mål for oss alle, me er lei av tomt prat og ikkje handling. Lat oss stå saman og handla no, dette hastar.

 

Av Øyvind Hardeland, Kvinnherad Ap

[gravityform id="11" title="true" description="true"]