Endúr Maritime AS har vunne ein vedlikehaldskontrakt på Kongeskipet Norge. (Arkivfoto)

Fekk millionkontrakt på Kongeskipet

Sjøforsvaret har tildelt ein fleirårig rammeavtale på vedlikehald av Kongeskipet Norge til Endúr Maritime AS. Ein kontrakt som er verd 50 millionar kroner.

Det kjem fram i børsmelding tysdag morgon.

Artikkelen held fram under annonsen.

– Denne kontraktstildelinga stadfestar Endúr Maritime sin kompetanse på vedlikehald av komplekse og historiske fartøy med store krav til fagleg kvalitet, seier dagleg leiar Jonny Arefjord i Endúr Maritime i børsmeldinga.

Det er Forsvarets logistikkorganisasjon som på vegne av Sjøforsvaret har inngått den fireårige rammeavtalen med Endúr Maritime AS. I følgje børsmeldinga har kontrakten ein verdi på 50 millionar kroner.

Endúr Maritime er eit heileigd dotterselskap av Endúr ASA, som igjen er resultatet av fusjonen mellom Bergen Group og Endúr Fabricom.