Sone Sunnhordland – jenter fødd 2007. Bak frå venstre: Emilie Ånderå (Bremnes), Inghild C. Sætrevik (Rosendal), Linnea Jonsson (Trott), Maren Vik Framnes (Trott), Bettina Guddal (Rosendal), Live Hauge (Stord), Maria T. Seim (Odda), Malin Stokken (Fitjar), Thea E. Grønningen (Moster) og Linnea O. Heggland (Fitjar). Framme frå venstre: Maria E. Ersland (Ternen), Marthe Kristiansen (Halsnøy), Cathrine Enæs (Rosendal), Nora Flatås (Trott), Ingrid M. Eik Arnevik (Halsnøy) og Seline Ottesen (Stord).

Fekk det tøft på soneturnering

13-åringane som representerer Sone Sunnhordland i fotball fekk ikkje heilt flyten under kampane i soneturneringa på Follese søndag.

I guteklassen var det 10 lag som stilte til start frå heile Hordaland. Sone Sunnhordland møtte fire av laga, og alle kampane enda med tap. 0-6, 0-3, 0-3 og 0-3 vart fasiten etter fire kampar med 11-arfotball for kvinnheringane Åsmund Arntsberg, Petter Myklebust, Simon Musland, Sondre Ersland, Eirik Ersland og deira lagkameratar frå Sunnhordland.

Artikkelen held fram under annonsen.

– Innsatsen var god, men me slepp inn altfor enkle mål. Dette tar me med oss som god læring, seier sonetrenar for gutane, Morten Tislevoll og legg til:

– Alle fekk rikeleg med speletid og alle fekk spela i favorittposisjonen sin, og vist seg fram.

 

På scoringslista

For jentene, der seks kvinnheringar var representert, gjekk det litt betre.

– Me vinn siste kampen 2-1 etter å ha tapt dei to første. Tidvis fekk me vist fram mange flotte kombinasjonar og fint spel, seier Kjetil Lothe som er trenar for jentene.

– Alle fekk mykje speletid, og mange fekk vist seg fram, legg han til.

Dei seks jentene frå Kvinnherad som var med var Cathrine Enæs, Bettina Guddal, Inghild C. Sætrevik, Ingrid M. Eik Arnevik, Marthe A. Kristiansen og Maria E. Ersland. Ternen-jenta Maria E. Ersland noterte seg for ein målgjevande i løpet av søndagen, medan Bettina Guddal frå Rosendal kom på scoringslista for Sunnhordlands-jentene.

 

Artikkelen held fram under annonsen.

Av Svein Ove Eikenes, Soneansvarleg i Sunnhordland.

 

Sone Sunnhordland – gutar fødd 2007. Bak frå venstre: Elijah Carruthers (Solid), Eirik Ersland (Ternen), Sondre Ersland (Ternen), Mats Endal (Stord), Peter Vatle (Trott), Eirik Johansen (Stord), Sebastian Brakedal (Fitjar), Raphael P. Hollund (Bremnes), Nikolai Mæland (Bremnes), Oliver Huse (Trott) og Simon Musland (Uskedal). Framme frå venstre: Åsmund Arntsberg (Halsnøy), Petter Myklebust (Uskedal), Ole Grip (Trott), Mats M. Sæter (Stord), Kristoffer Borgstrøm (Odda) og Trym Træet (Fitjar).