Norges Musikkorpsforbund (NMF) fyller 100 år i år. Det feirar tre lokale korps med felles konsert. (Arkivbilete)

Feirar korpsjubileum med felleskonsert

Norges Musikkorpsforbund (NMF) fyller 100 år i år. Det feirar tre lokale korps med felles konsert.

Husnes Musikklag har tatt initiativ til å samla alle vaksne korpsmusikantar i Kvinnherad for å feire Norges Musikkorps Forbund sitt 100 årsjubileum.

Artikkelen held fram under annonsen.

– Me inviterer til festkonserten «Heilt i hundre» førstkomande søndag, 21. oktober i Rosendal samfunnshus, melder leiar for Husnes Musikklag Britt Sollien.

Rosendal Musikklag, Høyåker Musikklag og Husnes Musikklag lagar til konsert i lag, noko som betyr at 70-80 musikantar skal bidra.

– Kvart korps speler sin avdeling, og avsluttar konserten med to flotte fellesnummer med alle musikantane på scenen samtidig. Det er sjeldan disse korpsene treffest, så det blir nok litt spesielt, dristar Sollien til å meina.

Laurdag vert det seminar for å øva saman alle tre korps, men elles øver dei kvar for seg fram mot konserten.