Fastklemt etter at hjullastar velta

Klokka 10.10 rykka naudetatane ut etter melding om at ein hjullastar hadde velta i nærleiken av rundkøyringa ved skulane på Husnes.

Føraren av ein liten hjullastar hadde kome nær ein mjuk kant under byggjing av gangsti langs opsangervatnet. Hjullastaren velta slik at føraren fekk beina i klem under setet. Førar vart frigjort av brannvesenet på staden.

- Det har gått bra og vedkomande har kome tilbake for å arbeida vidare, seier førstebetjent Knut Olav Myklebust.

Ulykka vert sett på som eit arbeidsuhell og politiet vil etterforske vidare.

- No gjenstår det berre å få hjullastaren opp att. Me har rekvirert ein redningsbil til jobben, seier Myklebust.

På grunn av utrykningskjøretøy på staden, dirigerer brannvesenet trafikken.